Figgiêu, anchêu l’é Natale!
Figgiêu, anchêu l’é Natale!
E ti sciortivi da-o cädo da cà, con tò moæ, in ta nêutte zeâ,
pe andâ a-a Messa de Mezanêutte ch’a doveiva ancon comensâ.
Figgiêu, anchêu l’é Natale!
Pe a stradda l’ëa freido davvei, ma alloa o freido no ti o sentivi,
fêua gh’ëa o giasso, ma con tò moæ de corsa ti sciortivi.
Figgiêu, anchêu l’é Natale!
De nêutte, a quell’öa, in gïo gh’ëan poche lûxi e tanto scûo,
ma gïâ in te l’ombra de quelle stradde alloa l’ëa ciù segûo.
Figgiêu, anchêu l’é Natale!
E pe o disnâ in sciä töa da roba bonn-a da mangiâ ghe n’ëa,
ma solo quello giorno lì, perché e palanche ëan quelle che ëan.
Figgiêu, anchêu l’é Natale,
anchêu no t’ê ciù ûn figgiêu, e in sce-a töa gh’é quello che ti vêu
e no solo o giorno de Natale, ma tûtti i giorni l’é uguale.
Figgiêu, anchêu l’é Natale,
e in sciä töa son pösæ tante cöse
che pe mangiâ tûtto… ti devi fäne de pöse!
Figgiêu, anchêu l’é Natale,
anchêu, se no ghe föse in ta televixion tûtto questo sciato,
a corsa ai regalli, Natale o saieiva ûn giorno comme ûn atro.
Figgiêu, anchêu l’é Natale,
ma comme saieiva bello ancon ’na votta sciortî in ta nêutte zeâ,
con tò moæ, pe andâ a-a Messa de Mezanêutte ch’a deve ancon comensâ.
Ragazzi, oggi è Natale!
Ragazzi, oggi è Natale!
E tu uscivi dal caldo della casa, con tua mamma, nella notte gelata,
per andare alla Messa di Mezzanotte che doveva ancora cominciare.
Ragazzi, oggi è Natale!
Per strada era freddo davvero, ma allora il freddo non lo sentivi,
fuori era ghiacciato, ma con tua mamma uscivi di corsa.
Ragazzi, oggi è Natale!
Di notte a quell’ora c’erano poche luci e tanto buio,
ma girare nell’ombra di quelle strade allora era più sicuro.
Ragazzi, oggi è Natale!
E per pranzo sulla tavola ce n’era di roba buona da mangiare,
ma solo quel giorno, perché i soldi erano quelli che erano.
Ragazzi, oggi è Natale,
oggi non sei più un ragazzo, sulla tavola c’è quello che vuoi
e non solo il giorno di Natale, ma tutti i giorni è uguale.
Ragazzi, oggi è Natale,
e sul tavolo ci sono posate tante cose
che per mangiare tutto…
devi farne delle pause!
Ragazzi, oggi è Natale,
oggi, se alla televisione non ci fosse tutto questo casino,
la corsa ai regali, Natale sarebbe un giorno come un altro.
Ragazzi, oggi è Natale,
ma come sarebbe bello uscire ancora una volta nella notte gelata,con tua mamma, per andare alla Messa di Mezzanotte che deve ancora cominciare.
Ammïa a mûagia
Ammïa a mûagia,
no ti ghe pensi, quæxi tûtti i giorni ti ghe passi vixìn,
ma ti t’ê mai fermôu pe ammiala ben, anche solo ûn stissin?
Ammïa a mûagia,
drento e fêua gh’é solo prïa in sce prïa, ma a pâ ûn monûmento,
ciantà in ta tæra sotta o çê a sciorbî ægua, zëu, sô e vento.
Ammïa a mûagia,
prïe grosse e agre do monte scciappæ in te ’na stagion antiga
e misse poi in ti posti giûsti pe poei reze tanta fadiga.
Ammïa a mûagia,
quelli che l’han fæta, con a fascia pe ciantaghe olivi e sëxe,
l’é tanti arvî che veddan cresce l’erba da-a parte de reixe.
Ammïa a mûagia,
a l’ha visto passâ de tûtto, generassioin de gente e de grigoe,
äxi, motorin, crave, macchine, facce nêuve, facce antighe.
Ammïa a mûagia,
coscì bella e forte che no l’han cacciâ zù l’abbandon de tære,
carte bollæ, specolassion, fossoei in pinn-a, çinque o sei guære.
Ammïa a mûagia,
in questo mondo ch’o cangia, in questo tempo ch’o schitta e o gïa,
ammïa donde ti metti i pê e ammïa a mûagia che a mûagia a t’ammïa.
Guarda il muro
Guarda il muro,
non ci pensi, quasi tutti i giorni ci passi vicino,
ma tu ti sei mai fermato per guardarlo bene, anche solo un pochino?
Guarda il muro,
dentro e fuori c’è solo pietra su pietra, ma sembra un monumento,
piantato nella terra sotto il cielo a sorbire acqua, gelo, sole e vento.
Guarda il muro,
pietre grosse e aspre del monte spaccate dentro una stagione antica
e messe poi nei punti giusti per poter reggere tanta fatica.
Guarda il muro,
quelli che l’hanno fatto, con la fascia per piantarci ulivi e ciliegi,
è da tanti aprili che vedono crescere l’erba dalla parte delle radici.
Guarda il muro,
ha visto passare di tutto, generazioni di gente e di lucertole,
asini, motorini, capre, macchine, facce nuove, facce antiche.
Guarda il muro,
così bello e forte che non l’hanno gettato giù l’abbandono delle terre,
carte bollate, speculazione, fossati in piena, cinque o sei guerre.
Guarda il muro,
in questo mondo che cambia, in questo tempo che salta e gira,
guarda dove metti i piedi e guarda il muro che il muro ti guarda.